Vitia bëhet me arkiv të dokumenteve kadastrale

11/04/2019 Institucionet

Në Viti, është bërë inaugurimi i Arkivit të dokumenteve kadastrale, projekt ky që u mundësua falë financimit të Programit të USAID-it për të Drejtat Pronësore. Në ceremoninë e inaugurimit të këtij projekti pos Kryetarit të Komunës së Vitisë, Sokol Haliti kanë marrë pjesë edhe Paul Vaca, Drejtor i Zyrës së Programit të USAID-it për Kosovë si dhe Brain Kemple, Drejtor i Programit për të Drejtat Pronësore nga USAID. Kryetari i Komunës së Vitisë, Sokol Haliti ndër tjerash tha se me këtë projekt, mundësohet sigurimi i dokumenteve të vlefshëm dhe se do të kemi një arkiv më të kompletuar. “Për këtë projekt, por edhe projekteve tjera të realizuara në komunën e Vitisë, Vitia i është mirënjohëse popullit amerikan dhe USAID-it. Ju faleminderit në emër të qytetarëve të komunës së Vitisë, për gjithë mbështetjen që na e keni dhënë”, u shpreh kryetari Haliti. Paul Vaca, Drejtor i Zyrës së Programit të USAID-it për Kosovë, u shpreh se është hera e pestë që ai viziton Vitinë dhe gjithnjë ndjen kënaqësi kur viziton këtë komunë. “ Ambasadori amerikan gjithnjë përmend tri elemente sa herë fletë për Kosovën. Paqja, drejtësia dhe prosperiteti ekonomik, si tri shtylla shumë të rëndësishme për funksionimin e shtetit. Viteve të fundit, është punuar me shumë komuna të Kosovës sa i përket të drejtave pronësore, mirëpo duhet ta theksoj se komuna e Vitisë është ndër më të suksesshmet në këtë drejtim. Ky renovim, që është donacion i USAID-it amerikan, do të shërbej për sigurim të dokumenteve arkivore që do të jenë në gjendje shumë më të mirë e më të sigurt”, u shpreh Vaca. Ndërkaq Brain Kemple, Drejtor i Programit për të Drejtat Pronësore nga USAID u shpreh se kur kemi filluar programin për drejtat pronësore, e patëm filluar me Vitinë dhe kjo ishte e mrekullueshme p[asi që bashkëpunimi me Institucionet komunale ka qenë i shkëlqyeshëm.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara