Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot kanë filluar punimet parapërgatitore në asfaltimin e rrugës Viti-Gjilan, konkretisht përmes fshatit Ballancë dhe Kravaricë. I pranishëm në fillimin e punimeve ishte edhe kryetari i komunës së Vitisë, Sokol Haliti me bashkëpunëtor. Ai tha se tani e tutje Vitia do ta këtë edhe një rrugë tjetër për t’u lidhur me territorin e komunës së Gjilanit. Kryetari Haliti potencoi se realizimi i këtij projekti infrastrukturor është i një rëndësi të veçantë për banorët e dy komunave, jo vetëm për faktin që me të po hapet një arterie e rëndësishme e qarkullimit por edhe për faktin që fermerët do ta kenë edhe më të lehtë qasjen në tokat e tyre bujqësore. Përndryshe në Kravaricë dhe zonën përreth ekzistojnë plantacione të ndryshme të pemëve por edhe tokat e shumta bujqësore që kultivohen nga fermerët e komunave Viti dhe Gjilan.
