Vizitë e Presidentit të Republikës së Shqipërisë Ilir Meta në Komunën e Hanit të Elezit

27/04/2018 Institucionet

Kryetari i komunës së hanit të Elezit Rufki Suma në orët e pasdites priti në takim Presidentin e Republikës së Shqipërisë Ilir Meta, i shoqëruar nga ambasadori i Shqipërisë në Kosovë, Qemal Minxhozi. Në takim ku ishte prezent edhe Kryesuesi i Kuvendit të Komunës së Hanit të Elezit Qamush Brava, kryetari Suma e falënderoi Presidentin Meta për vizitën që ai i bëri komunës së Hanit të Elezit duke theksuar se ka nderuar banorët e sajë si dhe atë vetë personalisht. Kryetari Suma e njoftoi Presidentin Meta mbi zhvillimet më të rëndësishme në komunën e Hanit të Elezit duke potencuar sfidat dhe sukseset e kësaj komune në këtë periudhë të shkurtë të funksionimit të sajë. Ndërsa Presidenti i Republikës së Shqipërisë Ilir Meta tha se ndjej kënaqësi të vizitojë këtë komunë dhe të takojë një personalitet të veçantë siç është kryetari Suma. Ai tha se është rast i rrallë që një kryetarë si kandidatë i pavarur të udhëheqë me një komunë për 10 vite. Nga ajo që kuptova është se një qeverisje e mirë dhe transparente respektohet edhe nga komuniteti me besimin e dhënë. Presidenti i Republikës së Shqipërisë Ilir Meta e përgëzoi Kryetarin Suma për gjitha këto të arritura i cili mundë të jetë shembull i mirë për të gjithë ne. Për këtë vizitë të rëndësishme për komunën e Hanit të Elezit, Kryetari i Komunës Rufki Suma e nderoi presidentin Meta me Emblemën e Komunës së Hanit të Elezit si dhe me publikimet Libri mbi Trashëgiminë Kulturore të Hanit të Elezit, Publikimet mbi Dëshmorët e Hanit të Elezit si dhe “Vjetarët”me të cilat pasqyrohen aktivitet Komunës së Hanit të Elezit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara