Deputetja e LDK-së, Vjosa Osmani, ka reaguar kundër veprimeve burracake të përfaqësuesve të veteranëve të luftës së UÇK-së, në seancën ku po synohej miratimi i plotësimeve në ligjin për ta. Kur flisnin deputetët, burra dhe kundërshtonin kategorizimin e luftëtareve, askush nuk reagonte e nuk kërcënonte. Kur mori fjalën një grua deputete, filluan kërcënimet e britmat e ulëta drejtuar nënkryetares së Kuvendit, Aida Dërguti, nga përfaqësuesit e shoqatave të luftës. Ata keqpërdoren pjesëmarrjen në institucionin më të lartë të Republikës së Kosovës, me sjellje që nuk i bënë nder veteranëve të mirëfilltë, aq më shumë kur britmat e tyre iu drejtoheshin një deputeteje, që ka qenë luftëtare e UÇK-së. Vjosa Osmani ka reaguar edhe kundër gjuhës që anëtari i Vetëvendosjes, Sami Kurteshi, përdori ndaj ministres së Drejtësisë, Dhurata Hoxha.
![Vjosa Osmani](https://www.radiokosovaelire.com/wp-content/uploads/Vjosa-Osmani-Kuvend.jpg)