Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas disa javësh dështimi për të ndarë Evropën për luftën e tij në Ukrainë, Vladimir Putin gëzoi dy fitore të vogla diplomatike këtë fundjavë. Në Hungari ashtu edhe në Serbi, partitë e hapura pro-ruse fituan lehtësisht zgjedhjet legjislative, duke i dhënë Putinit një kujtesë se pavarësisht reagimit të vendosur dhe kryesisht të bashkuar të komunitetit ndërkombëtar ndaj pushtimit, ai ka disa miq në perëndim. Fitorja më e rëndësishme erdhi përmes kryeministrit hungarez Viktor Orban dhe partisë së tij nacionaliste Fidesz që fituan bindshëm. Hungaria është një anëtare e Bashkimit Evropian dhe NATO-s, që do të thotë se Putini mund të pretendojë se ka një mik në krye të dy prej institucioneve të tij më të urryera. Të dielën mbrëma, gjatë fjalimit të tij të fitores, Vuktor Orban nxiti jo vetëm BE-në, por edhe Ukrainën. Ne kemi një fitore të tillë që mund të shihet nga hëna, por është e sigurt që mund të shihet nga Brukseli,” tha ai, duke shtuar se Fidesz “do ta kujtojë këtë fitore deri në fund të jetës, sepse na u desh të luftonim kundër një numëri të madh kundërshtarësh. Situata është shumë e ndryshme në Serbi, pasi ajo nuk është anëtare e BE-së as e NATO-s. Aktualisht po kalon procesin e anëtarësimit në BE, me negociatat që pritet të përfundojnë në dy vitet e ardhshme.
