Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pasi ka vrarë mijëra sirianë dhe ka bombarduar këtë vend pa ndërprerë, për gjashtë muaj, më në fund Kreu i Kremlinit, Vladimir Putin, citohet të ketë urdhëruar fillimin e tërheqjes së pjesës më të madhe të forcave ruse, duke konfirmura se ndërhyrja ushtarake në masë të madhe ka arritur objektivat e vet, në ruajtjen e regjimit të diktatorit Assad, i cili deri tani, për pesë vjet rresht ka vrarë rreth 300.000 sirianë ndërsa nga vendi janë dëbuar rreth 12 milionë. Gjatë takimit me ministrin e mbrojtjes dhe të punëve të jashtme në Kremlin, Putin ka deklaruar se tërheqja e forcave ushtarake do të duhej të fillonte nga dita e martë. Ai gjithashtu ka theksuar, se Rusia duhet të intensifikojë rolin e saj në procesin e paqes për t’i dhënë fund konfliktit në Siri, duke mbrojtur regjimin kriminal të Assadit. Zëdhënësi i Kremlinit, Dmitri Peskov, ka sqaruar se se Putin i ka telefonuar presidentit sirian, Bashar al-Assad, për ta informuar për vendimin e Kremlinit zyrtar.
