Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe nënkryetarja e PDK-së, Vlora Çitaku, e ka quajtur të dëmshëm emërimin e Ardita Sinanit, këshilltare politike për Preshevë, Medvegjë dhe Bujanoc nga kryeministri Kurti. Nuk kam asgjë personale me zonjën Ardita Sinani, madje e kam mbështetur edhe publikisht pasi u shkarkua nga detyra muaj më parë, mirëpo emërimi i saj si këshilltare për Preshevë, Medvegje dhe Bujanoc pranë Zyrës së Kryeministrit të Kosovës është jo vetëm hap i gabuar, por edhe i dëmshëm e përçarës. Sikur Kryeministri të ishte i sinqertë në qëllimin e tij për të ndihmuar shqiptarët në atë pjestë të Kosovës nuk do të emëronte zonjën Sinani, për shkak se Ardita është kryetare e një subjekti politik në Preshevë. Është për keqardhje pranimi i kësaj pozite pa dhënë dorëheqje nga partia, apo para se ta publikonte vendimin për emërim si këshilltare politike në Qeverinë Kurti, do të duhej ta kishte publikuar dorëheqjen si kryetare e PVD-së në Preshevë, saktësoi zonja, Vlora Çitaku.
