Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e PDK-së, Vlora Çitaku, ka reaguar pasi kryeministri Kurti, ka paraqitur shtatë pika për normalizimin e raporteve me Serbinë, në vitin 2024. Ajo shkruan se Kurti është një palaço jo-qesharak. Ai ka përdorur dhunë kundër çfarëdo marrëveshjeje të ndihmuar nga aleatët, duke mos kursyer asgjë dhe askënd: Është derdhur edhe gjak nëpër rrugë, janë hedhur bomba, gaz lotsjellës dhe është thirrur në luftë vëllavrasëse. Kurti e ka vonuar procesin e dialogut Kosovë-Serbi si dhe ka krijuar drama të përditshme, duke reduktuar dialogun në çështje teknike. ër 6-7 vjet, Albin Kurti ka përdorur dhunë kundër çfarëdo marrëveshje të ndihmuar nga aleatët, duke mos kursyer asgjë dhe askënd. Pas ardhjes në pushtet, tash Albin Kurti thotë që nuk e ka prioritet dialogun, dhe zbulon formula të ndryshme, përfshi “pesë kushte”, “tre principe”, “gjashtë pika” dhe zbulime të tjera të cilat janë harruar ca ditë më pas, ngase askush s’i ka marrë seriozisht – madje as ai. Tani , pasi që i ka parë rezultatet shkatërruese të politikës së tij të jashtme dhe udhëheqjes amatore të dialogut, kryeministri propozon 7 pika dhe kthehet pikërisht aty ku kemi qenë para 3 vitesh, duke thënë se vetë do ta draftojë statutin, ka shkruar zonja, Vlora Çitaku
