Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një sqarim publik, partia VMRO DPMNE ka bërë të diture se në dy raste të mëparshme, në kohën e qeverisjes së LSDM-së dhe BDI-së, kryetarja e Kosovës Vjosa Osmani ka shkelur procedurat dhe protokollet, ndërsa MPB-ja ka heshtur, thonë në partinë sllavo-maqedonase, VMRO DPMNE duke përmendur të gjeturat nga procesverbali. Në procesverbalin e datës 16 shtator të vitit të kaluar shkruhej: Pas mbërritjes në sektorin e VIP-ave ka ndodhur një keqkuptim mes përgjegjësit të protokollit të delegacionit dhe shërbimit të sigurisë së aeroportit, sepse i njëjti, duke iu referuar imunitetit diplomatik të presidentes, nuk është pajtuar që të kontrollohet me skaner bagazhi personal i presidentes së Kosovës. E njëjta situatë është përsëritur edhe më 9 tetor të vitit të kaluar. Pala kosovare pretendoi se falë imunitetit diplomatik, bagazhet e presidentes nuk duhet të kontrollohen. Në atë kohë Ministria e Jashtme heshti.
