Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kuvendi i Maqedonisë ka miratuar ndryshimet në Ligjin për falje, të cilat krijojnë mundësinë që kryetari, Gjorgje Ivanov të tërheq vendimin e tij skandaloz për amnistimin e 50 zyrtarëve të akuzuar për vepra të rënda penale. Ndryshimet në fjalë janë miratuar vetëm me votat e dy partive në pushtet, përkatësisht VMRO-DPMNE-së dhe BDI-së. Ato krijojnë mundësinë që ose kryetari, Ivanov të zhvleftësojë vendimin e tij për falje, ose që individët që kanë përfituar nga amnistia të kërkojnë shfuqizimin e vendimit për faljen e tyre. Në Bashkimin Demokratik për Integrim thonë se këto ndryshime janë një hap para drejt zgjidhjes së krizës politike. “Kjo nismë e partive qeverisëse është mënyra e vetme për dalje nga kriza të cilët e ka shkaktuar vendimi i presidentit Ivanov”, ka deklaruar Talat Xhaferi, deputet i BDI-së. Ndërkohë, opozita që ka bojkotuar seancën, konsideron se këto ndryshime janë si selektive dhe janë bërë me qëllim të partitë në pushtet t’i shpëtojnë njerëzit e tyre që kanë precedentë penal.
