Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Serbisë, Aleksandar Vuçiq, gjatë takimit me ambasadorin amerikan në Beograd, Kristofer Hill pohoi se Serbia po e trajton seriozisht gjetjen e një zgjidhjeje për krizën aktuale, të cilën sipas tij e shkaktuar Qeveria e Kosovës nga lëvizjet e njëanshme. Në njoftimin e presidencës serbe theksohet se fokusi i bisedës së dy zyrtarëve ishte situata në rajon, radha e dialogut të javës së kaluar ndërmjet Serbisë dhe Kosovës, dhe bashkëpunimi dypalësh. Vuçiç është përpjekur t’i sqarojë ambasadorit Hill qëndrimet e Serbisë që ai përfaqëson në dialogun me Prishtinën. Ai insistoi se është duke marrë pjesë në dialog me përgjegjësi dhe konstruktivitet, por shtoi se serbët që jetojnë në Kosovë kërkojnë pa kushte formimin e Asociacionit të komunave me shumicë serbe. E rëndësishme është që Prishtina t’i përmbahet marrëveshjes që forcat speciale të Kosovës të mund të lëvizin në veri vetëm me pëlqimin e NATO-s dhe kryetarëve të katër komunave, të banuara me shumicë serbe.
