Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Serbisë, Aleksandar Vuçiq, ka konfirmuar se e mbështet opsionin e ndarjes së Kosovës, marrjes së Veriut të Kosovës, duke reaguar kundër Peshkopit Teodosije i cili kundërshtoi këtë opsion duke thënë se ndarja e Kosovës do t’i detyronte serbët e pjesës jugore të largoheshin dhe ndërkohë që ka shfaqur brengën edhe për shkak të manastireve. Vuçiq duke iu përgjigjur Teodosijes ka thënë se shpërngulja e serbëve tashmë është duke ndodhur. Nëse nuk do doni kufi me shqiptarët tani duhet të përgatitemi ta mbrojmë edhe Vranjën brenda 40 vjetësh. Ai ka vazhduar sulmin duke thënë se Kisha po kundërshton ndarjen për shkak të 650 mijë eurove që i merr nga shteti i Kosovës. “Më mirë të marrim diçka se asgjë” ka thënë Vuçiq duke iu referuar ndarjes së Kosovës. Gjatë këtij muaji në Serbi është shpalosur një propozim që Serbisë t’i jepen 4 komunat në Veri të Kosovës në këmbim të normalizimit të raporteve dhe sipas këtij propozimi Kosova nuk do ta merrte tri komunat shqiptare në Serbi.
