Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Serbisë, Aleksander Vuçiq pasi ndoqi stërvitjet ushtarake në Batajnicë u ankua se askush s’po e detyron Kosovën të zbatojë marrëveshjet e nënshkruara në Bruksel. “Jo me dëshirën tonë, jo me vullnetin tonë, por me dëshirën e atyre që as nuk mund të mendojnë se si do ta përmbushin diçka që kanë nënshkruar 10 vjet më parë, askush nuk po i detyron ta bëjnë këtë, por ata që nuk po i detyrojnë janë në gjendje të na detyrojnë dhe ngacmojnë ne dhe njerëzit tanë”, u tha Vuçiq gazetarëve në Batajnicë, pasi mori pjesë në stërvitjet ushtarake. Ai tha se qëllimi është që “ose të dëbohen serbët nga veriu ose të detyrohen të pajtohen me pavarësinë”, si dhe ta çojnë Serbinë drejt njohjes së pavarësisë së Kosovës. Sipas tij, dialogu është reduktuar në “urdhra ndaj Serbisë, të cilat ajo nuk mund t’i përmbushë për shkak të Kushtetutës dhe qëndrimit të saj”.
