Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati, Xhevdet Smakiqi, ka vlerësuar koalicionin AAK – Nisma si një alternativë me një program modern dhe të mirë-strukturuar, që sipas tij, do t’i japë mundësi këtij koalicioni të garojë me sukses në skenën politike. Ai ka theksuar se veprat e liderëve të këtyre partive, të dëshmuara gjatë qeverisjeve të kaluara, janë një avantazh i madh për koalicionin. Smakiqi ka kritikuar ashpër Qeverinë Kurti, duke e akuzuar për mashtrim dhe për dështim në realizimin e projekteve të premtuara. Ai ka shtuar se opozita ka arritur të ekspozojë këto mashtrime dhe se ndarja brenda Lëvizjes Vetëvendosje, e cila po ndodh aktualisht, ka zbuluar edhe pakënaqësitë brenda elektoratit të kësaj partie. Smakiqi ka parashikuar se Koalicioni AAK – Nisma mund të tërheqë votues jo vetëm nga PDK, por edhe nga elektorati i pakënaqur i Vetëvendosjes, duke shprehur besimin se ky koalicion do të konkurrojë me sukses bazuar në veprat konkrete të liderëve të tij, ndërsa kryeministri Albin Kurti mbetet i njohur vetëm për mashtrimet e tij
