Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shumë shqiptarë dhe mund ta hamendsojnë, sepse tashmë i gjithë opinioni shqiptar, si brenda kufijve tanë territorialë, ashtu dhe jashte këtyre kufinjve, Saliu, duam apo nuk duam, për gjithë banorët e këtyre trojeve, është bërë si monologu i dramave shekspiriane, nga ku disa e thonë me zë të lartë ,se çfarë ndiejnë në shpirtin e tyre te trazuar për me shumë se tre dekadash..e teksa disa të tjerë , duke tundur kokën mërmërisin me vete dhe kushdo që i shikon këta të fundi,t pa tjetër që thotë:..”Iku ky, më duket se na e paska lenë shëndenë”. Mbase të dya palët kanë të drejtë, sepse nëse një djallqë ti e ke mbyllur fort, por që dhe e le të dalë nga shishja, atëhere nuk ke pse të ankohesh më …për djallezitë dhe poshtersitë e tij. Djalli ynë, i cili për fatkeqsinë e këtij kombi rrenjët e frymëmarrjes së tij i ka te sistemi i instaluar, sistemi ky i shtypjes dhe shfrytëzimit nga ku, njera kastë sundon me të gjitha poshtërsitë e saj mbi shtresën e madhe dhe të gjerë të popullit. Pra nuk ka kurrë e nuk mund te gjendet “kapitalizëm human”, sepse vet baza e këtij kapitalizmi, është dhe ngrihet mbi djarsën mundin dhe gjakun e atyre qe na shfrytëzojnë, qofshin këta të djathtë të cilet në fushata elektorale bëjnë premtime te majta…por dhe qofshin të majtë si këta tanët, të cilët ikin si gaforrja e cila shikon majtas dhe e iken djathtas; pra de facto, i gjithe spektri politik shqiptar absolutisht qe nuk mund të bëjë dot përjashtim nga konkluzionet e Marksit në veprën e tij madhështore “ KAPITALI”, i cili në mënyrë gjeniale përcakton rolin e borgjezisë, por dhe të proletariatit ne sistemin kapitalist. Ajo e cila flak dhe gris pa mëshirë cipën e ilizioneve dhe “bukurinë shëmngjyrshe” të fasadës së jashtëme të këtij sistemi, ështe vet realiteti objektiv, i cili është një realitet i dukshëm i prekshëm i ndjeshëm nga ku nuk besoj që të ketë shqiptar të mos e ketë kuptuar, sikurse po aq mund te gjënden dhe shqiptarë të cilët nuk duan ta kuptojnë.
Aktualisht e pavarsisht dëshirave tona apo dhe të individëve të veçantë, tonin e gjithë politikës ekonomike dhe derivateve qe rrjedhin prej saj, ia kane dhënë e ja japin pjellat e R. Alisë, Partia Socialiste dhe ajo demokratike, partitë e tjera nuk janë gjë tjetër veçse garintura zbukuruese të oreksit kapitalist shqiptar dhe për rrjedhojë dhe pushteti politiko- ekonomik, aspak nuk ka ndryshuar, sepse karroca e degjenerimit ekonomiko-politik, ka ndryshuar vetëm kuajt që e tërheqin atë. Veçse kapitlizmi shqiptar ka një specifikë domethenese dhe të veçante. Ky që ne po e përjetojmë nuk është kapitalizmi klasik i trasheguar nga mardheniet e vjetra…por është një kapitalizëm i një lloji të veçantë i cili vjen nga degjenerimi i mardhënieve te reja ( socialiste) të cilat kaluan në mardhënie kapitaliste. Për rrjedhojë dhe klasa puntore e shndruar ne proletariat, apo dhe shtresat e tjera të shoqërisë, në thelbin filozofik jane e ngelen të majta( nga që shfrytëzohen barbarisht nga kastat sunduese që perfaqsojnë kapitalizmin e ri të trashëguar nga mardheniet socialiste, sipas amanetit te R. Alisë). Kjo bën, që pjesa dërmuese e shoqërisë të ëndërrojë dhe shpresojë te e majta ( gjasme e majtë) e Partisë Socialiste dhe aleatet e saj, sikurse është dhe po kjo shtresë e cila me të drejtë e urren shtypjen dhe shfrytëzimin kapitalist, shtresë kjo, që ende ka iluzione te Partia e Ramës dhe po aq urejtje të Partia e Salës. Në garën e etheshme që ka rrëmbyer Partitë politike populli harron se e djathta e Saliut ka vrarë ka prerë ka djegur ka poshtëruar aq sa ka çuditur dhe botën, sikurse ka harruar se dhe e majta e Ramës ështe degjeneruar keq, sepse e ka ngritur në sistem po aq sa dhe e djathta banditizmin e kusarisë shtetrore ndaj popullit të tyre. Pra shkurt, të dy kuajt e kësaj karroce janë në garë vrapimi sa herë që i qëllon padroni “Kapital” me kamzhik për të ecur përpara.
Në këto kushte, duke qenë se dhe PKSH-ja, ende nuk e ka atë rol që të jetë në krye të masave për të mbrojtur interesat dhe te drejtat e tyre,( madje ata tashmë të plakur vetëm lexojnë veprat e Enverit dhe thonë brenda sallave te tyre: Lavdi jetës dhe veprës së E. Hoxhes “ ! ) pra këtë rol tashmë nuk e ka askush, por vetëm llafollogët dhe oratorët borgjezë, të droguar nga ethet e pushtetit. Në kësi rastesh kur afrojnë zhgjedhjet parlamentare,ndërgjegjia kombëtare është e orjentuar nga “ e keqja më e vogël” duke zgjedhur përsëri Partinë socialiste, të ndërgjegjshëm ..”se dhe keta vjedhin- por nuk vrasin si Saliu”. Ky mentalitet i cili ka zenë vend, mund të bëjë që një pjesë e elektoratit të firojë drejt se djathtës , ose subjekteve të tjera dhe për me tepër dhe vet e djathta me ridaljen në skenën politike të Saliut, merr kurajon dhe shpreson jo vetëm në përmirsimin e imazhit të tyre por dhe në krijimin e bindjes” se lideri i tyre është figurë e pastër morale, dmth as vrasës dhe as kusar”. Kjo situatë më shumë favorizon P.Socialiste ,sepse Saliu tashmë nga bajloz kundër popullit , është bërë dhe “gogol” për kalamajte dhe para-adoleshentët e gjithë Shqipërisë. Tashmë në fund të fundit pyetja shtrohet : Kush do fitojë? ! Në fakt pyetja më me vend, ose më saktë përgjigjia do ishte konfirmimi se…. humbësi i vërtetë do jetë si përhere populli dhe ata që do fitojnë do jenë bogjezët tanë që na pijnë natë e ditë gjakun tonë. Po Sala vallë a do fitojë ? Sala i fituar është për deri sa e lanë të lirë, por dhe nëse ai nuk fiton të jini të bindur se përsëri ky njeri do rrëmbejë pishtarin e zjarrit në dorë duke i konsideruar zgjedhjet e pa vlefshme, të manipuluara, t ëvjedhura , të paguara nga Soros-i dhe narko-mafia e lloj lloj fantazish të prodhuara nga neuronet e mëndjes së tij të çoroditur, por që në ndonjë rast dhe mund te ndodhë sepse socialistet tashme nga nxënsa të Salës në artin e kusërisë , janë kthyer në ustallarë evropianë. Unë personalisht jam tejet i bindur se shqiptaret duhet të përgatiten të perballen përsëri me tendencën e rrebelimit të Sali Berishes i cili në rrugën e tij të krimit te vrasjeve dhe anarkisë është i pandalshëm. Fundja ky është stani shqiptar ….dhe këtë bulmet kemi.
