Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish kryetari i Vetëvendosjes, Visar Ymeri ka thënë se kryeministri, Albin Kurti duhet të tregojë se pse statusi i Kishës Serbe tani figuron si pikë e veçantë në Planin Franko-Gjerman!? Ai ka shtuar më tutje se Statusi i Kishës Ortodokse Serbe është i rregulluar me ligjet dhe Kushtetutën e vendit, andaj ka pyetur kryeministrin Albin Kurti pse kjo pikë është “përvjedhur” si pikë e veçantë në Planin Franko-Gjerman. Gjatë bisedës për Demokracia.com. drejtori Ekzekutiv i Institutit “Musine Kokalari”, Visar Ymeri ka theksuar se “Statusi i Kishës Ortodokse Serbe në Republikën e Kosovës është rregulluar me Kushtetutën dhe ligjet e Kosovës që burojnë nga Pakoja e Ahtisaarit, kështu që është vështirë të kuptohet se çka kërkohet më shumë në këtë drejtim. Fakti që institucionet e Kosovës nuk e kanë zbatuar ende një vendim të Gjykatës Kushtetuese që i jep të drejtë Manastirit të Deçanit për pronësi mbi disa dhjetëra hektarë tokë që më herët ishin në pronësi të ndërmarrjeve shoqërore, nuk i ndihmon këtij diskutimi e negociate meqë Kosova shihet si moszbatuese e të drejtave të fituara, në këtë rast nga Kisha Ortodokse Serbe, në gjykatat vendore”, ka thënë mes tjerash, studiuesi, Visar Ymeri.
