Kreu i Vetëvendosjes, Visar Ymeri ka shprehur përkrahje për kryetarin e Mitrovicës, Agim Bahtiri, për të cilin ka thënë se po e mbron qytetin nga planet e Serbisë. Ai ka thënë se ndaj kryetarit të Mitrovicës kanë filluar sulme të orkestruara, si sulmi i fundit me armë zjarri në ndërtesën e komunës, si pasojë e faktit që Agim Bahtiri po kundërshton planet serbe për ndryshimin e kufijve kadastralë të Mitrovicës. “Si Lëvizja VETËVENDOSJE! nuk duam të ndërhyjmë tek raporti midis qytetarëve të Mitrovicës dhe udhëheqjes komunale, por do t’i japim mbështetje të pa rezervë Kryetarit Bahtiri në kundërshtimin që po i bën planeve të Serbisë për ndryshimin e kufijve kadastralë të Komunës së Mitrovicës. Në këtë kauzë ai duhet ta ketë mbështetjen e të gjithëve”, ka thënë Ymeri.
![Visar Ymeri](https://www.radiokosovaelire.com/wp-content/uploads/visarymeri-06032016-660x330.jpg)