Zbatimi i qasjes Leader i jep shtysë Zhvillimit Rural

22/01/2025 Institucionet

Grupi Lokal i Veprimit “Llapusha” në Malishevë organizoi një takim mbi rëndësinë e qasjes LEADER për zhvillimin rural. Kjo metodologji përfshin bashkëpunimin mes sektorit publik, privat dhe të shoqërisë civile, duke synuar hartimin e strategjive lokale dhe fuqizimin e komuniteteve rurale.

Sfidat përfshijnë kapacitete të kufizuara të grupeve lokale të veprimit (GLV), mungesë të burimeve njerëzore dhe trajnimeve për menaxhimin e projekteve, si dhe mungesën e vetëdijes për strategjitë lokale. Koordinatori i projektit, Enver Mazreku, theksoi rëndësinë e kësaj qasjeje.

Halit Mazreku prezantoi projektin “Drejt Suksesit për Llapushën V”, mbështetur nga MBPZHR përmes Agjencisë për Zhvillimin e Bujqësisë në Kosovë.

Drejtori i Drejtorisë së Bujqësisë dhe Zhvillimit Rural, Sylë Dukolli, dhe drejtoresha e Zhvillimit Ekonomik të Malishevës, Qëndresë Bytyçi, shprehën gatishmërinë për përkrahjen e projekteve lokale. Ekspertja Valdete Morina ndau një historik të projekteve strategjike për komunën.

Në takim morën pjesë përfaqësues publikë dhe privatë, duke kontribuuar me diskutimet e tyre për zhvillimin rural.

Kontrolloni gjithashtu

Kryetari Ramosaj bashkëbisedon me një grup studentësh nga Deçani

Kryetari i komunës së Deçanit, z. Bashkim Ramosaj ka realizuar një takim të veçantë me …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara