Zbulohet busti i dëshmorit Salih Bytyçi

13/06/2016 Institucionet

Në vigjilje të shënimit të Ditës së Çlirimit dhe Ditës së Dëshmorëve të Komunës së Malishevës, në fshatin Shkozë, përkatësisht në oborrin e shkollës që mban emrin e dëshmorit, u bë zbulimi i bustit të dëshmorit Salih Bytyçi nga fshati Shkozë i Malishevës. Zbulimin e bustit e bënë, djali i dëshmorit dhe i pari i Malishevës, Ragip Begaj.

Paraprakisht, u mbajt edhe një akademi, kushtuar dëshmorit Salih Bytyçi, ku u fol për jetën dhe veprën e dëshmorit. Kryetari i Komunës së Malishevës, Ragip Begaj, duke folur me këtë rast, tha se “njerëzit si Salihu, ja rritën emrin vendit dhe ne ju jemi mirënjohës për jetë. Populli ynë, ka luftuar me gjenerata të tëra, deri në fitimin e lirisë dhe të gjithë ata që ranë për vendin, si Salihu, do të kujtohen përgjithmonë”.

Ndërsa deputetja e Kuvendit të Kosovës, Shukrije Bytyçi, tha se “lufta e UÇK-së, është krenaria më e madhe në historinë e kombit shqiptar”

Për jetën dhe veprën e dëshmorit Salih Bytyçi, foli Njazi Bytyçi, veteran i UÇK-së dhe bashkëluftëtar i Salihut, i cili në mënyrë kronologjike paraqiti jetën dhe veprimtarinë e Salihut, nga fëmijëria, shkollimi, puna si mësimdhënës, e deri në kyçjen e tij në luftën e UÇK-së, ku edhe u vra më 2 prill të vitit 1999.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara