Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i KQZ-së, Valmir Elezi, ka dhënë një sqarim lidhur me mospërputhjen mes numrit të pjesëmarrësve në zgjedhjet e 9 shkurtit dhe numrit të votave të fituara nga subjektet politike. Sipas tij, në uebfaqen e KQZ-së, numri i raportuar i votuesve deri më tani është rreth 800 mijë, ndërsa numri i votave të mbledhura nga subjektet politike në rezultatet preliminare është rreth 831 mijë. Arsyeja pse ndodh kjo është sepse tek rezultatet preliminare të pjesëmarrjes në votime janë ngarkuar më pak të dhëna nga vendvotimet, ndërsa tek rezultatet e subjekteve politike janë përfshirë mbi 99% e të dhënave. Aktualisht, për pjesëmarrjen janë të ngarkuara të dhëna nga rreth 92% e vendvotimeve, ka deklaruar Elezi. Gjatë ditës së djeshme, ishte paraparë të niste numërimi i votave për kandidatët për deputetë, por ky proces është shoqëruar me vështirësi të shumta. Procesi i numërimit dhe verifikimit të votave pritet të vazhdojë në ditët në vijim, ndërsa KQZ-ja ka theksuar se transparenca dhe saktësia do të jenë prioritet kryesor, për të siguruar një rezultat të besueshëm dhe të saktë.
