Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Ukrainës, Volodymyr Zelenskiy ka kërkuar nga liderët e shteteve perëndimore që t’i bëjnë presion Rusisë që ta shtensionoj gjendjen përgjatë kufirit mes të dyja vendeve. Gjatë fjalimit në Konferencën e Munihut për Siguri, ai ka theksuar se Ukraina do ta mbroj tokën e saj, me apo pa ndihmën e partnerëve. “Arkitektura e sigurisë së Evropës është pothuajse e shkatërruar. Është shumë vonë që të flasim për rregullimin e saj. Për tetë vjet, Ukraina ka shërbyer si mburojë. Një mburojë e besueshme që ka frenuar një nga ushtritë më të mëdha në botë”, theksoi presidenti i Ukrainës, Volodymyr Zelenskiy gjatë fjalimit në Konferencën e Munihut për Siguri. Ai shtoi më tutje se ndihma e dhënë deri më tani ishte më shumë si një shurup për kollitje sesa një vaksinë e mirë për COVID-19 kundër një kërcënimi real, që mund të zgjerohet nëpër Evropë, pasi ta ketë goditur së pari Ukrainën.” Ukraina ka pranuar garanci të sigurisë për braktisjen e arsenalit të tretë më të madh bërthamor në botë. Ne nuk kemi armë. Dhe as siguri… Por, ne kemi të drejtë – të drejtën që të kërkojmë nga një politikë e butë në një politikë që garanton siguri dhe paqe” deklaroi mes tjerash, presidenti i Ukrainës, Volodymyr Zelenskiy.
