Zëvendësministri i Kulturës, Rinisë dhe Sportit, Rexhep Mazreku, vizitoi Federatën e Gjimnastikës së Kosovës

19/10/2018 Institucionet

Zëvendësministri i Kulturës, Rinisë dhe Sportit, Rexhep Mazreku, ka vizituar Federatën e Gjimnastikës së Kosovës, ku u prit nga kryetari i kësaj federate, Besim Halilaj. Zëvendësministri, Rexhep Mazreku, falënderoi kryetarin Halilaj për pritjen e tij. Ai tha se qëllimi i kësaj vizite është për tu njohur më afër me aktivitetet e kësaj Federate dhe me kushtet në të cilat punon Federata. Ai po ashtu u premtoi mbështetje dhe u zotua që do të jetë çdo herë afër sportistëve. “Kjo vizitë është në vazhdën e vizitave dhe aktiviteteve të mia nëpër Komunat e Kosovës dhe Federatat e Sportit të Kosovës. Qëllimi ynë është që bashkëpunimin me FGJK-në dhe me federatat në përgjithësi mos ta ndalim asnjëherë në mënyrë që përmes këtij bashkëpunimi të ndihmojmë sportistët dhe federatat e sportit për realizimin e aktiviteteve të tyre dhe sukseseve në garat ndërkombëtare të sportit”, u shpreh zëvendësministri Mazreku. Ndërkaq kryetari i FGJK-së, Besim Halilaj, fillimisht i uroi mirëseardhje zëvendësministrit Mazreku. Ai e informoi zëvendësministrin në lidhje me përbërjen e Federatës duke thënë se përbëhet nga 14 klube aktive. Ai po ashtu foli edhe rreth aktiviteteve dhe pjesëmarrjes në gara të ndryshme ndërkombëtare dhe për rezultatet e sportistëve gjimnastë. Kryetari Halilaj falënderoi zëvendësministrin për vizitën e tij dhe për gatishmërinë e tij për të bashkëpunuar dhe për të përkrahur sportistët gjimnastë, duke e vlerësuar vizitën e tij si shumë të rëndësishme dhe motivuese për Federatën dhe sportistët.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara