ZËVENDËSMINISTRI I INFRASTRUKTURËS, REXHEP KADRIU SË BASHKU ME INSPEKTORATIN E MI-SË INSPEKTUAN KYÇJET ILEGALE NË KISHNICË

30/01/2018 Institucionet

Zëvendësministri i Infrastrukturës, Rexhep Kadriu dhe këshilltari i ministrit Pal Lekaj, Fatos Mani, së bashku me Inspektoratin e Ministrisë së Infrastrukturës, inspektuan kyçjet ilegale që kanë ndodhur së fundmi, përgjatë brezit rrugor Kishnicë – Gjilan. Operatorë të pa përgjegjshëm, me anë të kyçjeve ilegale, kanë dëmtuar rrjedhën e ujërave atmosferike përgjatë brezit rrugor Kishnicë – Gjilan, kyçje këto që përveç se janë bërë në mënyrë ilegale, dëmtojnë rëndë edhe kanalet e rrjedhjes së ujërave atmosferike, duke bërë që në rast shirash, rruga të përmbytet dhe të cenoi sigurinë në trafikun rrugor. Inspektorati, për këta operatorë, që janë të vendosur përgjatë brezit rrugor dhe që kanë bërë kyçje ilegale në rrugë, ka ndërmarrë të gjitha veprimet konform ligjeve dhe rregulloreve në fuqi, në mënyrë që kyçja të bëhet sipas rregulloreve dhe ligjeve të Republikës së Kosovës dhe që të mos ketë situata, kur si pasojë e veprimeve të tilla, të vije deri tek ndonjë përmbytje e rrugës, apo rrezikim i sigurisë në trafikun rrugor. Ministria e Infrastrukturës, në harmoni edhe me deklaratën e përbashkët të nënshkruar ndërmjet ministrit, Pal Lekaj dhe atij të të MPB-së, Flamur Sefaj, për Sigurinë në Trafikun Rrugor, do të ndërmarrë masa për të gjithë personat juridik dhe fizik, që bëjnë kyçje ilegale në brezin rrugor, të cilat cenojnë sigurinë në trafik. Deri më tani rreth 90% e kyçjeve në brezin rrugor, janë bërë në mënyrë ilegale, kurse vetëm rreth 10% janë bërë në harmoni me rregulloret dhe ligjet në fuqi. Viti 2018-të, është shpallur “Viti i Sigurisë në Trafikun Rrugor”, andaj në këtë frymë do të ndërmerren të gjitha veprimet në ofrimin e një brezi rrugor të sigurt dhe me standarde që ofrojnë siguri dhe rregull përgjatë brezit rrugor. Ministria e Infrastrukturës, mbetet e përkushtuar që të ofrojë siguri dhe barazi për të gjithë qytetarët e vendit, duke i respektuar ligjet dhe rregulloret në fuqi, e që garantojnë siguri në trafik dhe qasje në brezin rrugor, sipas ligjeve dhe rregulloreve në fuqi. Të gjithë ata që duan të kenë qasje në brezin rrugor, duhet t’u përmbahen rregullave dhe ligjeve të Republikës së Kosovës, duke bërë kërkesë pranë Ministrisë së Infrastrukturës dhe duke mënjanuar situatat e cenimit të sigurisë së trafikut rrugor dhe duke evituar ndëshkimet si pasojë e veprimeve ilegale.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara