Zëvendësministrja Bakija-Deva takoi dramaturgun kroat, Miro Gavran

29/06/2018 Institucionet

Zëvendësministrja Burbuqe Bakija-Deva ka takuar dramaturgun kroat me famë botërore Miro Gavran me bashkëshorten e tij Mladena dhe regjisoren Marigona Bekteshi-Ferati. Ne këtë takim të ngrohtë e miqësor, zëvendësministrja i shprehu mirëseardhje dhe gatishmërinë e MKRS-se për të përkrahur autorin dhe regjisoren në bashkëpunimet e tyre në të ardhmen. Ndër të tjera, në takim u diskutua për shfaqjen “Si ta vrasim presidentin” e cila vjen premierë në sallën e vogël të Teatrit Kombëtar të Kosovës. “Ne si ministri jemi të gatshëm që të ndërmarrim hapa konkret që të përkrahim aktivitetet të cilat sjellin tek qytetarët tanë autorë e regjisorë të njohur”, tha ndër të tjera zëvendësministrja. Ndërkaq, autori kroat dhe bashkëshortja e tij, u shprehën se ndjehen të kënaqur që ndodhen në Kosovë dhe se e vlerësojnë përkrahjen e vazhdueshme te Institucioneve tona. Gavran është autor i njohur i cili prinë në listën e autorëve më të përkthyer kroat, tekstet e të cilit kanë depërtuar në rreth 40 gjuhë të botës, ndërsa vetëm në premiera të shfaqjeve kanë arritur një numër me rreth tre milionë shikues.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara