Zëvendësministrja Selmani: Mbështetja për gratë fermere do të rritet në vazhdimësi

08/08/2019 Institucionet

 

Zëvendësministrja e Bujqësisë, Pylltarisë dhe Zhvillimit Rural, Myzejene Selmani, ka vizituar Panairin e Prodhimeve Bujqësore në Vushtrri, i cili është organizuar nga shoqata “Gratë e Studimes” dhe është përkrahur nga MBPZHR-ja. Me këtë rast, zëvendësministrja Selmani, duke i përgëzuar për organizimin e këtij panairi, i cili sipas saj është një mundësi më e mirë e promovimit të prodhimeve vendore, ka theksuar se gratë fermere në vazhdimësi do ta kenë mbështetjen e ministrisë në zgjerimin e aktiviteteve të tyre bujqësore. “Përkrahja financiare institucionale për gratë që merren me veprimtari bujqësore do të rritet në vazhdimësi. Në kuadër të programit për bujqësi dhe zhvillim rural të MBPZHR-së do të përkrahim shumë gra fermere, me qëllim të krijimit të mundësive për avantazhimin e grave në zhvillimin e veprimtarive të tyre bujqësore”, ka thënë Selmani. Ajo ka theksuar se krahas gjithë kësaj mbështetje për gratë fermere, duhet të bëhet edhe më shumë për përforcimin e rolit të grave në bujqësi, me qëllim të përmirësimit të aftësive të tyre dhe krijimit të mundësive për tregtimin e prodhimeve bujqësore. Gjatë ditës zëvendësministrja Selmani ka vizituar fermerën, Anduena Jusufi, e cila merret me blegtori dhe Maliqe Mustafa, e cila merret me bletari, të dyja nga Komuna e Mitrovicës, e të cilat kanë qenë përfituese të granteve investive të MBPZHR-së. Me këtë rast zëvendësministrja ka parë nga afër veprimtaritë bujqësore që zhvillohen në fermat e këtyre fermerëve dhe me këtë rast ju ka premtuar se përkrahja për gratë fermere nuk do të mungojë asnjëherë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara