Zv.kryeministri i Kosovës vizitoi disa nga bizneset ne Suharekë

20/11/2016 Institucionet

Zv.kyeministri i Kosovës z.Ramiz Kelmendi, ka qëndruar në Komunën e Suharekës, me ç’rast ka vizituar disa nga bizneset më të suksesshme në Komunë. Fillimisht  zv.kryeminsitri  është pritur nga kryetari i Komunës së Suharekës z. Sali Asllanaj, ku ka zhvilluar një takim në zyrën e kryetarit, pas të cilit ata u prononcuan për media. ” Me kryetarin Asllanaj, biseduam për sfidat dhe problemet qe ka kjo komunë dhe çka mundet qeveria e Kosovës me punuar në të ardhmen në mënyrë që të dinamizohet zhvillimi ekonomik dhe fuqizimi i bizneseve në Kosovë, posaçërisht në Komunën e Suharekës”,është shprehur zv.kryeminsitri  Kelmendi. Ndërsa, kryetari Asllanaj ka thënë se ” ne kemi kënaqësi ta kemi zv.kryeminsitrin  Kelmendi prezent dhe mendojë që është bërë hap i qëlluar emërimi i tij në këtë pozitë.  Komuna jonë përkundër shumë sukseseve që ka arritur  në lëmin e bizneseve prapë ka nevojë për mbështetje te qeverisë, ka nevojë për ide, për legjislaturë sa më efikase te jetë në funksion të zhvillimit të biznesit. Ne do të vizitojmë disa nga bizneset e Komunës së Suharekës dhe do të dërgojmë një mesazh të mirë që ka mundësi të punohet dhe të jetohet në vendin tonë”. Kryetari Asllanaj dhe zv.kryeminsitri  Kelmendi, më pas kanë vizituar Kompaninë e këpucëve  “Solidi”, Kompaninë e mjeteve mjekësore “Medito Plast”, Kompaninë e fasadave “Graniti”, Fabrikën e mobilieve “Graniti” dhe Kompaninë “Red Eagle”.

Kontrolloni gjithashtu

Smajl Latifi: Në 26-vjetorin e rënies heroike përkujtuam dëshmorët e kombit, Visar Hotin dhe Safet Latifin

Kryetari i komunës së Rahovecit, z. Smajl Latifi, në 26-vjetorin e rënies heroike, në vendin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara