Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyra në Kosovë e Bankës Evropiane për Rindërtim dhe Zhvillim (BERZH), ka paralajmëruar se nga janari, do të ngritën normat e interesit për kredi edhe nga kjo bankë në Kosovë. Menaxherja e programit për këshillim të bizneseve nga BERZH, Leonora Kusari, ka thënë se shtrenjtimi i kredive do të ndodhë patjetër në muajt e parë të vitit 2023. Ky shtrenjtim i kredive bankare nga BERZH, pritet të ndodhë si rrjedhojë e rritjes së normës së Euriborit në tregun evropian. “Për shumicën e projekteve të cilat i kemi pasur të kontraktuara më herë nuk ka pasur ngitje të normave të interesit bankar më 2022, por nuk do të thotë që në vitin 2023, në bazë të situatës ashtu siç e shohim mund të ketë edhe ngritje. Pra, pritet të ketë rritje të normave të interesit për shkak të rritjes së normës në Euribor në tregun evropian gjatë gjashtë mujorit të fundit. Nuk e dimë se sa do të jetë ajo ngritje. Atë analizë e bëjnë ekonomistët në BERZH”, ka deklaruar mes tjerash menaxherja e programit për këshillim të bizneseve nga BERZH, Leonora Kusari.
