Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyra e Prokurorit të Specializuarme seli në Hagë, është duke bërë hetime lidhur me rolin e Zyrës së Qeverisë së Kosovës, veçmas në Ministrinë e Drejtësisë për mbrojtjen juridike të të akuzuarve potencialë pranë Dhomave të specializuara, si dhe drejtuesin e kësaj zyre, Driton Lajçi, duke paragjykuar pengimin e mundshëm të drejtësisë. Kjo zyre e Prokurorisë së cilët zyrtarët tanë, me eufemizëm i thonë Dhomë e Specializuar, shpreh paragjykimet për shkelje të neneve të Kodit Penal të Kosovës, të cilat kanë të bëjnë me pengimin e provave ose procedurave zyrtare dhe frikësim gjatë kryerjes së procedurës.
Filialja e Gjykatës Speciale kundër UÇK-së, e cila quhet Dhomë Specializuar e Kushtetutës së Kosovës, në Hagë, është instanca e fundit për interpretimin e Kushtetutës lidhur me çështjet që kanë të bëjnë me punën e Dhomave të Specializuara dhe Prokurorisë së Specializuar. Avokati i Driton Lajçit, z. Cadman, iu ka drejtuar Dhomës së Specializuar të Kushtetutës së Kosovës, duke u thirrur në nenin e Kushtetutës së Kosovës, i cili thotë që “individët mund të nisin procedurë, në rast se të drejtat dhe liritë e tyre që ua garanton Kushtetuta, shkelen nga ana e organeve publike, kur të gjitha mjetet juridike janë shterur”. Gjykata Speciale kundër UÇK-së është mbi Kushtetutën dhe të gjitha institucionet e Kosovës, sepse me një status të tillë edhe është miratuar në Kuvendin e Kosovës me nënshkrimet e 81 deputetëve.
