Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtar të Vetëvendosje kanë drejtuar kritika të ashpra ndaj Komunës së Prishtinës. Ata e kanë akuzuar atë se me qëllim po ndërmarrin veprime për ta falimentuar kompaninë “Pastrimi”. Asambleisti i partisë Vetëvendosje në komunën e Prishtinës, Besart Krasniqi ka thënë se thirrja për një kontratë kornizë 3 vjeçare nga Komuna e Prishtinës ka për qëllim falimentimin e kompanisë “Pastrimi”. “Hapja e kësaj thirrje publike nga komuna e Prishtinës, dhe mundësia që mbledhja e mbeturinave të bëhet nga operator privat neve na dëshmojnë që i gjithë procesi i ngulfatjes së Prishtinës nga bërllogu, gjatë 3 viteve të kaluara, është bërë qëllimshëm nga ekzekutivi komunal, në mënyrë që pastaj të ndryshohet rregullorja për menaxhimin e mbeturinave, të futet një nen që lejon futjen në treg të operatorëve privat, dhe tani hapi i fundit, tenderi i madh 16.5 milionë – ku tregun e marrin privatët, kurse “Pastrimi” në mungesë të të hyrave bankroton dhe 900 familjeve ju rrezikohet mirëqenia” theksoi në konferencën për medie, asambleisti, Besart Krasniqi.
