Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Zyrtarë të Lidhjes Demokratike të Kosovës kanë shprehur shqetësim lidhur me vizitën e kryeministrit Albin Kurti në Shtetet e Bashkuara të Amerikës. Nga kjo parti, vizitën e Kurtit e kanë quajtur të tejzgjatur dhe pa takime me zyrtarë të lartë shtetërorë. Nënkryetarja e LDK-së, Shqipe Mjekiqi, ka thënë në një konferencë për media se vizita 18-ditore e Kurtit nuk i ka sjellë asnjë të mirë vendit. Takimet e tilla të nivelit të lartë janë të zakonshme për krerët e rajonit. “Albin Kurti është kthyer nga ShBA-ja në Evropë në vizitë të tejzgjatur. Për ta përmbledhur këtë vizitë të kryeministrit Kurti, edhe pse ai nuk e përmblodhi vet, e përfundoi vizitën pa asnjë takim me zyrtarë të lartë. Takimet e tilla të nivelit të lartë janë të zakonshme për krerët e rajonit. Shëtitja 18-ditore e Kurtit në ShBA në kohë krize në vend zbeh peshën institucionale që ka pasur Kosova në rajon”, ka thënë Mjekiqi.
